Staet van Hanskin, Corckin, Liefkin, Jannekin en Grietkin/ de vijf kinderen van Laurens Van Landschoot- 1573
Staet van JOANNES (Hanskin), CORNEEL (Corckin), LIEVEN (Liefkin), JOANNA (Jannekin) en MARGARETHA (Grietkin)/ de vijf kinderen van Laurens Van Landschoot die hij hadde bij Maeijkin/ filia van Cornelius van Schoonacker/ Als Voochden Pieter Blondeel en Laurens Dobbelaere.
Eerst es de voorn(oemde) kinderen toecomen ende ghesuccedeert bijde overlijden van huerl(ieder) vadre/ de vijfdeelen van Zhestiene in de behuysde hofstede dat huerl(ieder) vadre uitverstarf/ groot int gheheele omtrent 400 roeden metgaders noch een deelkin inde huysen staende up de zelve hofstede/ dat de voorn(oemde) Laurens Van Landtschoot huerl(ieder) vadre hadde vercreghen bij coope jeghens Jan van Sluis/ zuidt dhoirs Jacques Blondeel thoofdende mette westhende up de Gentsche Lieve/
Noch dhelftscheede van vier ghemeten es alt landts ligghende ande voortzijde vande Blackstrate/
Noch dhelftscheede van omtrent vier lijnen Landts/ ligghende inde voorn(oemde) strate/ West ende Noordt Jan van Hoorembeke/
Noch dhelftscheede van een ghemet 50 roeden landts ghenaempt tverheyle gat/ West Fran(cies) Kervijn/ Oost de Gentsche Lieve/
Noch dhelft van een ghemet 50 roeden landts/ ghenaempt De Crebbe: zuydt Anthoona van Deynse/ Noodrt Pieter vande Bussche/
Noch dhelft van een ghemet Meersch/ ligghende inde Cleemputte brouck/ daermen theet De hooghe meersch/ zuydt Pieter Blondeel/
Noch dhelft van vier lijnen landts/ ligghende upde ackere daer men theet het Couterkin/ West Jacob Fraeye/
Noch dhelft van twaalf roeden landts/ ligghende met Jan de Vulder en Pieter Blondeel ghemeene/
Alle de voorscreven partijen belast met alzulcke ervelicke renten alsdaer van ouden tijden uut ghegaen hebben/ endeboven dien met 10 schillingen groten tjaers Die de weese moedre ghehouden es te lossen ofte croisseren van die jaerlicx te betalen encost de voorsijde weesen/
Ende voor avelick ende cathylick goedt boven alle commeren te ghelde ghemaect de some van 75 ponden grooten/ Rust ons de weesen moedre die huere kinderen anghenomen heeft thoudene met schade ende baete en doet zekere metten wederdeelen costume/
Overbrocht bij Pieter Blondeel en Laurens Dobbelaere voochden/ den laetsten january 1573
bron:SAE St. v. G. reeks 1010 folio 475 1573.01.31
